Ibindi bimenyetso byerekana ko Evode Uwizeyimana ari nka Kangura na RTLM

Posted: November 24, 2011 in Uncategorized
Tags: , , , ,

Na: Ndahiro Tom

Nyuma y’amagambo y’urwango yanditswe kuri murandasi na Evode Uwizeyimana ku itariki ya 17 Ugushyingo 2011, byatumye nandika ngaragaza aho bihurira  n’imvugo y’abateguye bagakora jenoside. Habanje: “Ibimenyetso by’Abaholandi bibaye umutingito. IVU arasaba imbabazi, FDU ikagadagadwa, Evode Uwizeyimana akambaza Kangura”.

Iyo nyandiko iza gukurikirwa n’indi nise “Uwizeyimana Evode: Umunyeshuri n’umufana wa Bikindi na Kangura”.

Naje kongeraho indi mvuga ko “Ukurikije imyanzuro ya ICTR, Uwizeyimana ni nka Barayagwiza” ngaragaza ko mu rubanza rwa ICTR basuzumye neza ikibazo cy’urwango rwibasiye abagore nk’urwo Evode Uwizeyimana yagaragaje ubwo yivagamo.

Nyuma yizo nyandiko, nasanze hari n’abandi banditse kuri iki kibazo.Uwashaka kumva neza uburemere bw’amagambo y’urwango rwa Uwizeyimana akwiye gusoma inyandiko y’umunyamategeko Binaifer Nowrojee wayanditse akiri muri kaminuza ya Havard muri Leta zunze ubumwe za Amerika.

Click: A lost opportunity for justice: why did the ICTR not prosecute gender propaganda?

Ni inyandiko abantu bose bakwiye gsoma bakumva neza urwango rwacuriwe abagore bazira ubwoko bwabo.

Bimwe mubyo usanga muri iyi nyandiko ni nk’ibi:

  • “In their drive to dominate, propagandists said, Tutsi used their women – thought to be more beautiful than Hutu women – to infiltrate Hutu ranks. Through the written press and then through RTLM radio, extremists portrayed Tutsi women as devious seductresses who would undermine the Hutu.”
  • “Kangura (‘wake up’ in Kinyarwanda) magazine was the first and most virulent voice of hate. Kangura often warned the Hutu to be on guard against Tutsi women. According to Kangura, ‘[t]he Inkotanyi [a word used to refer to the RPF meaning ‘fierce fighter’ in Kinyarwanda] will not hesitate to transform their sisters, wives and mothers into pistols’ to conquer Rwanda”

Evode Uwizeyimana bavugishwa no kurengera Ingabire Victoire Umuhoza, bari bakwiye kugerageza bakumva ko bibatesha agaciro kuko ari ugushyigikira jenoside.

Kubyumva neza soma: Genocide-laundering: Historical Revisionism, Genocide Denial and the Role of the Rassemblement Républicain Pour la Democratie au Rwanda (RDR)[1]

Gushigikira jenoside n’ibiyiranga ni icyaha. Kutabigaragaza nabyo n’ikindi. Kurwanya abakora icyo cyaha ni ukubabwiza ukuri ukoresheje ibimenyetso bifatika.

Ntibazahangana n’ukuri. Babura icyo bakora bagatukana, bakivovota, bakavuga ubusa, bakiyita abanyapolitiki ari abagome.

Ariko ikigaragara ni uko ukuri kubatesha umutwe bakivamo nk’uko Evode Uwizeyimana byamugendekeye Abaholandi batanze inyandiko zishinja IVU, akibagirwa n’amategeko yize nkuko Barayagwiza byamugendekeye.


[1] Phil Clark and Zachary D. Kaufman, eds. (2008): After Genocide: Transitional Justice, Post-Conflict Reconstruction and Reconciliation in Rwanda and Beyond. Hurst & Company, London

 

Advertisements

Comments are closed.